pressadmin-2
Аԥшьаша, 10 Цәыббра 2026 10:07
Аԥсны Ахада Бадра Гәынба Башкортосҭан иусуратә визит иацҵоуп
Ареспубликақәа рхадацәа рышьыжь алагеит аинрал Минигали Шаимуратов ибаҟа амҵан ашәҭшьыҵәрақәа рышьҭаҵареи Уфа аҭоурыхтә центр аҭаареи рыла. Анаҩс Ареспублика Аҩнаҿы Бадра Гәынбеи Ради Хабирови реиҿцәажәарақәа мҩаԥысит, ашьҭахь инарҭбаау аилазаараҿы аделегациақәа рлахәылацәа алархәны аиԥылара мҩаԥган.
Икьыԥхьуп
Ажәабжьқәа
Tagged under
Аԥшьаша, 10 Цәыббра 2026 10:03
Башкортосҭан иусуратә визит аҳәаақәа ирҭагӡаны Аԥсны Ахада Бадра Гәынба аусутәи, аексперттәи, аҭҵаарадырратәи еилазаарақәа рхаҭарнакцәеи, иара убас астудентцәеи дырԥылеит
Аиԥылара мҩаԥысит Уфа иҟоу Евразиатәи аҭҵарадырратә центр Аҵараиурҭабжьаратә студенттә кампус аҿы.
Икьыԥхьуп
Ажәабжьқәа
Tagged under
Аԥшьаша, 10 Цәыббра 2026 09:57
Исҳаҟ Машбаш иԥсҭазаара дахьалҵыз инамаданы Бадра Гәынба Адыгеиа ахада Мураҭ Кумпилови адыга жәлар зегьи дрыдышшылеит
Аԥсны ахада ихаҭыԥуаҩ Беслан Бигәааи Аԥсны Ахада Иусбарҭа анапхгаҩы Беслан Ешбеи рхы аладырхәит Адыгеиа, Ҟабарда-Балкариа, Ҟарачы-Черқьесиа, Аԥсны Жәлар рышәҟәыҩҩы Исҳаҟ Машбаш аҵыхәтәантәи имҩахь инаскьагара ацеремониа.
Икьыԥхьуп
Ажәабжьқәа
Tagged under
Аҩаша, 08 Цәыббра 2026 10:01
Аԥсны Аҳәынҭқарра Ахада Бадра Гәынба Ақалақь-фырхаҵа Гәдоуҭа амш рыдиныҳәалеит уи иаланхо ауааԥсыра
Аныҳәа иазкны имҩаԥгаз аилатәараҿы адныҳәаларатә шәҟәы даԥхьеит Аԥыза-министр ихаҭыԥуаҩ Ҭарашь Ҳагба.
Аԥсны Ахада иҟаиҵаз адныҳәалараҿы иазгәаҭоуп:
«Ҳаҭыр зқәу Ақалақь-фырхаҵа Гәдоуҭа ауааԥсыра!
Ишәыдысныҳәалоит шәықалақь Амш!
Ари аныҳәамш азгәаҭара иаԥсаны, иаҭахны иҳадаҳкылаз ӡбамҭоуп.
Гәдоуҭа аҭоурыхла ибеиоу, хьӡи-ԥшеи змоу атрадициақәа ныҟәызго қалақьуп. Урҭ ҳара имырӡкәа иааиуа абиԥарақәа ирызнаҳгароуп.
Гәдоуҭа ақалақь акрызҵазкуа Аԥсны ақалақьқәа ируакуп. Ара ашәышықәсақәа рыҩныҵҟа инхон-инҵуан ҳабацәа, урҭ рабацәа. Дара иаԥырҵаз аҭынха ду иахьа ҳара гәадурала иеиқәырханы иааҳгоит.
Ақалақь-фырхаҵа Гәдоуҭа аҭыԥ ҷыда ааннакылоит ҳаамҭазтәи Аԥсны аҭоурых аҟны. Аԥсны Ҳџьынџьтәылатә еибашьраан иара аҳҭнықалақьра ныҟәнагеит ҳҳәар алшоит. Ароуп жәлар рԥыза ду Владислав Григори-иԥа Арӡынба идгылаз иҩызцәагьы иаргьы аԥсуа жәлари аԥсуа ҳәынҭқарреи рзы аҭоурыхтә ҵакы змаз аӡбамҭақәа ахьрыдыркылоз.
Иахьатәи аныҳәа аҽны ҳаҭырла иаҳгәаларшәоит Аԥсны ахақәиҭра зхы ақәызҵаз гәдоуҭаа рҵеицәа. Урҭ рфырхаҵара Аԥсны Аҳәынҭқарра аҭоурых ианызаауеит наунагӡа.
Гәдоуҭа иахьа аҽеиҭанакуеит. Ахаҿра аҽаԥсахит, амшын аԥшаҳәа аҿиара иаҿуп. Ҳара иаҳҭахуп арҭ ар́ҿыцрақәа ауаа рыԥсҭазаарагьы ианыԥшларц.
Ақалақь амалқәа зегьы ирмалуп уи иқәынхо ауааԥсыра, зҭоурых еиқәырханы иаазго, зықалақь бзиа избо, уи арԥшӡара иацхраауа. Аԥхьаҟагьы Гәдоуҭа ақалақь аԥеиԥш знапы иану шәара шәоуп, акыр иаԥсоу гәдоуҭаа.
Гәык-ԥсык ала ишәзеиӷьасшьоит аизҳазыӷьара, агәабзиара, анасыԥ. Иҿиалааит, хьӡи-ԥшеи агымзааит аринахысгьы Ақалақь-фырхаҵа Гәдоуҭа!
Ҽааныбзиала шәнеилааит зегьы!»
Икьыԥхьуп
Ажәабжьқәа
Tagged under
Аҩаша, 08 Цәыббра 2026 09:57
Цәыббрамза 7 рзы Гәдоуҭа ақалақь Амш азгәарҭоит
Шьыжьнаҵы аԥшаҳәаҿы гәырӷьарала ишьҭырхит Аҳәынҭқарратә бираҟ. Ақалақь аҿы Аԥсны зегь реиҳа иҳараку абираҟшьаҟа ыҟоуп.
Абираҟ ашьҭыхра иазкыз аныҳәатә церемониа иалахәын Аԥсны Афырхаҵа Геннади Марганиа, ақалақьтә школқәа рҵаҩцәа.
Араион ахада Асҭамыр Аргәын ақалақьуаа аныҳәа рыдиныҳәалеит:
«Гәык-ԥсыкала ишәыдысныҳәалоит иахьатәи амш-Гәдоуҭа ақалақь-фырхаҵа Амш! Ари аныҳәа баша амзар аҿы рыцхәӡам.
Уи ақалақь ауааԥсыра зегьы рзеиԥш ҭоурыхи, ари адгьыл аҿы аҭынчреи ахақәиҭреи аҳра рурц азы ҳақәԥареи иасимволуп. Гәдоуҭа ииашаны ақалақь-фырхаҵа ҳәа ахьӡ ҳаракы амоуп, ҳара ҳзы гәадура дууп араҟа анхареи аусуреи.
Ҷыдала иҭабуп ҳәа расҳәоит есыҽны араион аҿиараҿы злагала дуу: азинхьчаратә усбарҭақәа русзуҩцәа, ауаажәларратә еиҿкаарақәа, аветеранцәа, аҿар, ҳаԥсадгьыли ҳақалақьи реизҳазыӷьаразы амаҵ зуа дарбанызаалак».
Асҭамыр Аргәын гәдоуҭаа ирзеиӷьеишьеит агәабзиара, анасыԥ, аҭынчра, ақәҿиара дуқәа.
Ақалақь амш апрограмма аспорттә хәҭа иаҵанакуеит амаланыҟәатә еиԥхныҩлара, ашахмати ашашкақәеи рзы адәахьтәи атурнирқәа, анапылампыли амҵәышәмпыли рзы аицлабрақәа (уаанӡатәи асанаториа «Волга» аҵакыраҿы), Кәарацхьелиа Д. ихьӡ зху адәы маҷ аҿы ашьапылампыл азы атурнир, карате азы аиндаҭларақәа.
1992-1993 шш. С.П. Дбар ихьӡ зху Аԥсны Жәлар Рџьынџьтәылатә еибашьра Аҳәынҭқарратә музеи аҿы асааҭ 15:30 рзы иаатуеит афотоцәыргақәҵа «Ажәытәтәи Гәдоуҭа», уаҟа ицәыргоуп уаанӡа икьыԥхьымыз ақалақь иуникалтәу архивтә фотосахьақәа.
Асааҭ 16: 00 рзы В.И. Ленин ихьӡ зху апарк аҿы имҩаԥысит аныҳәатә хәыҷтәы программа.
Асааҭ 19: 00 рзы имҩаԥысит аныҳәатә концерт ду.
Асааҭ 21:30 рзы иалагеит адиджеи Shiri, агәыԥ «Jam-Band» злахәу аҿар рконцерттә программа.
Аныҳәатә усмҩаԥгатәқәа афеиерверк ԥшӡа ала ихыркәшахоит.
Икьыԥхьуп
Ажәабжьқәа
Tagged under
Аҩаша, 08 Цәыббра 2026 09:55
Аҳәынҭқарра ахада Бадра Гәынба усутә визитла Ареспублика Башкортосҭан даҭааит
Аделегациа аилазаараҿы иҟоуп Ахада Иусбарҭа анапхгаҩы актәи ихаҭыԥуаҩ Дмитри Шамба, аԥыза-министр ихаҭыԥуаҩ Џьансыхә Нанба, акультура аминистр ихаҭыԥуаҩ Динара Смыр ҳәа аанацҳауеит атәыла ахада ипресс-маҵзура.
Аҭаараан аганқәа ихадоу ахырхарҭақәа рыла аусеицура аҿиара азҵаарақәа жәпакы ирылацәажәараны иҟоуп.
Апрограмма иазԥхьагәанаҭоит Башкортосҭан ахада Ради Хабиров официалла иԥылареи инарҭбаау аилацәажәареи.
Иара убасгьы Аԥснытәи аделегациа аҭаауеит Урыстәылеи Аԥсни ркультуратә центр, Аҵараиурҭабжьаратәи кампус, ареспублика анапхгараҭаратә Центр, атехнопарк «Зубово», еилнакаауеит арегион иналукааша анаплакқәа русурашьа.
Икьыԥхьуп
Ажәабжьқәа
Tagged under
Ашәахьа, 07 Цәыббра 2026 09:56
Сергей Кириенко встретился с командой из Абхазии на финале «Зарницы 2.0»
Волгоградтәи аобласт аҿы имҩаԥысит Урыстәылазегьтәи арра-патриоттә хәмарра «Зарница 2.0» афинал. Асасцәа дыруаӡәкхеит Урыстәыла Ахада Иусбарҭа анапхгаҩы актәи ихаҭыԥуаҩ Сергеи Кириенко.
Иара жәларбжьаратәи аицлабра иалахәу Аԥснытәи акоманда дрыҿцәажәеит, ирзеиӷьеишьеит аманшәалара ҳәа аанацҳауеит Аԥсны Аминистрра апресс-маҵзура.
Аԥснытәи акоманда ахәмаррахь иашьҭит ареспублика аҵара Аминистрра. Аҷкәынцәа аҽазыҟаҵареи, алеишәеи, акомандаҿы аусуреи бзиа аадырԥшит.
Икьыԥхьуп
Ажәабжьқәа
Tagged under
Ашәахьа, 07 Цәыббра 2026 09:52
Хана Гәынба ашкол маҭәа иазкны: «Ҳара хықәкыс иҳамоу ахәыҷы ҳанихәаԥшуа ашколхәыҷы шиакәу убартә аҟаҵара ауп»
Икьыԥхьуп
Ажәабжьқәа
Tagged under
Ашәахьа, 07 Цәыббра 2026 09:49
«Агәаҭара хықәкыс иамоу аҳаҭыр аларҟәра акәым»: аҵара аминистр Хана Гәынба ахатәы школ «Альфа» азы лгәаанагара лҳәеит
Аҵара аминистр Хана Гәынба ашкол «Альфа» анапхгара иҟарҵаз аҳәамҭақәа ахҳәаа рылҭеит, инаҵшьны иазгәалҭеит агәаҭара еиҳа еиҿкаау аусуразы агәацԥыҳәара шанаҭо.
Аиҟәыҭхаразы ацәажәарақәа иашам: Аусбарҭа адиалог азы иаартуп. Аҵыхәтәантәи шықәсыки бжаки рыҩнуҵҟа «Альфа» аҟынтәи арҵага шәҟәқәа, ма аметодикатә материалқәа рзы зыҳәарак мааицт, аурокқәа рҿы арҵаҩцәа ахкьыԥхьаақәа рхы иадырхәар акәхоит. Аофициалтә зыҳәа ыҟазар аминистрра иаразнак иахәҭоу алитература анаҭоит.
Акадрқәеи адокументқәеи: ашкол арҵаҩцәа ААУ аҟны иҟоу азанааҭтә дырра аизырҳаразы Ацентр аҿы акурсқәа ирхысыр рылшоит. Акрыфара ахаҭабзиаразы азҵаарақәа ыҟаӡам, аха азиншьақәыргыларатә документқәа азакәан инақәыршәаны еиқәыршәатәуп — аусбарҭа азинтә ҟәша уи аҿы ацхыраара иазыхиоуп. Аҵара алҵшәақәа: Урыстәылатәи аҵараиурҭақәа рҭаларазу иахьа алшарақәа зегьы ыҟоуп, убри аҟнытә ари аусура ахаҭабзиара рбага хадаӡам.
«Ари агәаҭара хықәкыс иамоуп ахатәы школ "Альфа" Аԥсны Аҳәынҭқарра иаку аҵарадырра асистемахь аинтеграциа азура ауп».
Икьыԥхьуп
Ажәабжьқәа
Tagged under
Ашәахьа, 07 Цәыббра 2026 09:48
Ашкол «Альфа» адиректор Аԥсны аҵара Аминистрра иҟанаҵаз агәаҭара ахҳәаа алҭеит
Ахатәы школ «Альфа» адиректор Фатима Дауҭиа 26 шықәса рыҩнуҵҟа раԥхьатәи мҽхакы ҭбаала аусбарҭа агәаҭара аихшьаалақәа ахҳәаа алҭеит. Анапхгаҩы ажәа рылҭеит аилагарақәа зегьы шдыриашо азы, иагьазгәалҭеит аҳәынҭқарреи дареи русеицураҿы асистематә проблемақәа шыҟоу.
Аинформациатә вакуум: 26 шықәса ҵуеит ашкол аминистрра аҟынтәи аҵаразы иаҭаху амаҭәарқәеи ашәҟәқәеи, арҵагатә цхыраагӡақәеи аиуӡомызт. Аԥсышәала арҵага шәҟәқәа ҩынтәны иҳараку ахә ахыршәаауеит. Дауҭиа ажәалагала ҟалҵеит Аԥсны аҵара аминистррахь ахатәы школқәа рзы хазы акуратор дҟарҵарц.
Афинанстә еидара: Аусбарҭа акоммерциатә тарифқәа рыла ахә ашәоит азинҷыда ада. Убри аан мышкала 800 мааҭ ҳәа ашкол еиқәнаршәоит ахәыҷқәа асааҭ 9:00 инаркны 17:00-нӡа рыҟазаара, ҩынтә акрыфара, 6-7 урок, ахәыҷы изы 17-ҩык рҟынӡа аспециалистцәа русура.
Аҵара ахаҭабзиара ҳаракы: агхақәа арҵаҩцәа ирхарам, анапхгара формала иҟарҵаз агхақәа роуп. Азыҟаҵара бзиа шьақәнарӷәӷәоит аушьҭымҭацәа Аԥсни Урыстәылеи иреиҳау аҵараиурҭақәа иахьҭало.
«Ашкол анаскьагара, анаҩс астандартқәа ирықәшәом ҳәа азнеира ианеиҵаха ииашам ҭагылазаашьоуп. Аус еицаҳур зегьы ҳарҽеиуеит», - лҳәеит Дауҭиа.
Икьыԥхьуп
Ажәабжьқәа
Tagged under
