Ԥхынгәымзазы арепатриациазы Аҳәынҭқарратә еилакы имҩаԥнагоит аҿар аԥхынтәи рлагер «Ахьышьтрахь-2026». Апроект х-етапкны имҩаԥгахоит, еиднакылоит Ҭырқәтәылеи, Иорданиеи, Германиеи, Нхыҵ Кавказ арегионқәеи, Аԥсни рҟынтәи 225-ҩык ҳџьынџьуаа ҿарацәа. Алагер актәи аетап мҩаԥгахоит ԥхынгәымза 1-9 рзы.

Алахәхаразы ааԥхьара рымоуп 18 шықәса инаркны 45 шықәса рҟынӡа зхыҵуа ашәаҳәаҩцәа. Аицлабраҿы аиааира згаз аԥаратә ҳамҭақәа рыҭахоит, иара убас Урыстәылеи Аԥсни рықалақьқәа рҿы агастрольтә тур алахәхаразы алшара роуеит, рырҿиаратә портфолио арҭ ақәгыларақәа рыла ихаҭәаахоит.

Аԥсны еизгоу акоманда актәи аҭыԥ ааннакылеит Аҟәа ихыркәшахаз таитәи абокс азы иаарту жәларбжьаратәи атурнир «Гьаргь Аиааирагаҩ ихраҿа» аҟны ҳәа аанацҳауеит Аспорт азы Аҳәынҭқарратә еилакы.

Ашкол асасцәеи алахәылацәеи бзиала шәаабеит ҳәа реиҳәеит Аҟәа ақалақь ахада Ҭемыр Агрба.

Аминистрцәа реилазаара ишьақәнарӷәӷәеит Аԥсны Аиҳабыреи Ҟабарда-Балкариатәи Ареспублика Аиҳабыреи (Урыстәылатәи Афедерациа) рыбжьара ахәаахәҭра-економикатә, аҭҵаарадырра-техникатә, акультуратә усеицуразы, 2026 шықәса мшаԥымза 3 рзы рнапы зҵаҩыз аиқәшаҳаҭра.

Аӡбра рыдыркылеит жәларбжьаратәи аиқәшаҳаҭрақәа рзы Аԥсны Аҳәынҭқарра азакәани ҩ-ганктәи жәларбжьаратәи аиқәшаҳаҭрақәа рыбжьаҵара аԥҟареи инарықәыршәаны. 

Аиқәшаҳаҭра хықәкыс иамоуп иарбоу ахырхарҭақәа рҿы аганқәа реинырра арҭбаареи арӷәӷәареи. Адокумент азырхоуп аиҩызареи, апатуқәҵареи, азинеиҟарареи, наҟ-ааҟтәи афеидеи шьаҭас измоу ҩ-ганктәи аизыҟазаашьақәа рырҿиара.

2027 шықәсазы аҳәынҭқарратә биуџьетнҭыҵтәи афондқәа рбиуџьетқәеи ареспубликатә биуџьети рзы азакәанқәа рыпроектқәа реиқәыршәара иадҳәалоу аусура аиҿкааразы ақәҵара аднакылеит аминистрцәа реилазаара.

Н. Курченко ихьӡ зху апарк аҟны иҟоу ареспубликатә хәыҷтәы‑қәыԥштә спорттә школ аҿы Аԥсни, Урыстәылеи, Аахыҵ Уаԥстәылеи рҟынтәи агимнастка қәыԥшцәа еизызгаз аицлабра «Ахәыҷра ашәыгақәа» официалла аартра мҩаԥысит.

Агәабзиарахьчара аминистрраҿы имҩаԥысит аминистр Асҭамыр Гәниеи Урыстәыла агәабзиарахьчара аминистрра аштатнҭыҵтәи аспециалист-атрансплантолог хада Сергеи Готиеи авидеоконференциала русуратә еилацәажәара.